HII, NIMIONGONI MWA SHUGHULI ZINAZOFANYWA NA TCCIA MKOA WA RUVUMA KATIKA KUTANGAZA BIIDHAA ZA WAJASILIAMALI WANAOLELEWA NA TAASISI HIYO MUHIMU KWA WAJASILIAMALI

 Afisa Mtendaji wa TCCIA Mkoa wa Ruvuma Philemon Moyo akiangalia bidhaa aina ya mvinyo ikiwa katika aina mbalimbali zilizowekwa kwenye fremu maalum katika ofisi za TCCIA mkoa wa Ruvuma zilizopo kwenye jengo la NSSF mjini hapa

AJIKUTA MIKONONI MWA DOLA KWA KUSABABISHA KIFO CHA ADERINA KWA MADAI YA WIVU WA KIMAPENZI

                             Na Gideon Mwakanosya,Songea

JESHI la Polisi Mkoani Ruvuma linamshikilia Mfanyabiashara mkazi wa  wa Mbinga mjini Timotheo Komba (21) kwa tuhuma za kumuua muhudumu ya baa ya Mbuji iliyopo mjini humo ambaye awali alikuwa mpenzi wake

Akizungumza na Mwaandishi wa mtandao huu wa www.stephanomango.blogspot.com  jana ofisini kwake Kamanda wa Polisi wa Mkoa wa Ruvuma Michael Kamuhanda alimtaja mwanamke aliyeuawa kuwa ni Aderina Nchimbi(21) ambaye ni mkazi wa mtaa wa eneo la Shule ya Msingi Kiwanjani Mbinga Mjini

Kamuhanda alisema kuwa tukio hilo lilitokea Septemba 20 mwaka huu,majira ya saa moja asubuhi huko katika mtaa wa eneo la Shule ya Msingi Kiwanjani

Alisema kuwa inadaiwa siku ya tukio Afisa Upelelezi wa makosa ya jinai wa Wilaya ya Mbinga Mrakibu Msaidizi wa Polisi Edward Kavalambi akiwa na Askari wenzake wa kitengo cha Upelelezi ambao walikuwa doria waligundua kuuawa kwa Aderina ambaye alikutwa kando kando ya barabara jilani kabisa na nyumbani kwake

Alifafanua zaidi kuwa Maaskari kanzu hao baada ya kugundua tukio hilo la mauaji muda mfupi walifanikiwa kumkamata Komba ambaye anadaiwa kuwa katika kipindi cha nyuma alikuwa mpenzi wake tangu walipokuwa wakiishi katika Kijiji cha Mpepai

Alisema kuwa chanzo cha tukio hilo la mauaji kinasadikiwa kuwa ni wivu wa kimapenzi ambapo inadaiwa kuwa marehemu Aderina kabla ya mauti hayajamkuta alikuwa akilazimishwa kufanya mapenzi na Mfanyabiashara huyo Komba ambaye alikuwa akijitahidi kumshawishi warudiane tena na mahusiano yao kama awali lakini mwanamke huyo alikuwa anakataa

Kamuhanda alisema kuwa mara upelelezi utakapokamilika mtuhumiwa Komba anatarajiwa kufikishwa mahakamani ili kujibu tuhuma zinazomkabili,

MWENDESHA PIKIPIKI ASABABISHA KIFO CHA MTEMBEA KWA MIGUU

 

                    Na Gideon Mwakanosya,Songea

POLISI wilayani Mbinga Mkoani Ruvuma wanamshikilia Mwendesha Pikipiki Felix Ndimbo (18) mkazi wa Kijiji cha Langilo kwa tuhuma za kumgonga mtembea kwa miguu Joseph Ndimbo (76) mkazi wa Kijiji cha Mkoha wilayani humo na kumsababishia kifo papo hapo

Habari zilizopatikana jana mjini hapa ambazo zimethibitishwa na Kamanda wa Polisi wa Mkoa wa Ruvuma zimeeleza kuwa lilitokea juzi majira ya 1:30 usiku kwenye barabara inayotoka Mbinga kwenda kijiji cha Langilo

Kamuhanda alibainisha zaidi kuwa siku hiyo ya tukio kwenye barabara hiyo Felix akiwa anaendesha Pikipiki ambayo haina namba za usajili aina ya SanLg ilimgonga mtembea kwa miguu mzee Joseph Ndimbo ambaye alikuwa anatoka Kijiji cha Langilo kwenda katika Kijiji cha Mkoha na kumsababishia kifo papo hapo

Alieleza zaidi kuwa chanzo cha tukio hilo mwendesha Pikipiki Felix akiwa anatokea Kijiji cha Mkoha kuelekea Kijiji cha Langilo akiwa kwenye mwendo mkali alimgonga mtembea kwa miguu Joseph ambaye alikuwa anatembea kandokando ya barabara upande wa kulia

Kamuhanda alisema kuwa mtuhumiwa Felix amekamatwa na anaendelea kuhojiwa na Polisi ambapo upelelezi wa tukio hilo ukikamilika atafikishwa mahakamani kujibu mashtaka yanayomkabili

MWISHO

WANANCHI KILIMANJARO WAPINGA SERIKALI KUWANYAN'GANYA ARDHI YAO NA KUMPATIA MWEKEZAJI

                 Na Efracia Massawe

WANAKIJIJI wanaoishi katika Msitu wa Westi Kilimanjaro  eneo la  Ngaranairobi Kata ya Nduma, wamesema kitendo cha serikali kubinafsisha eneo lao na kuwapatia wawekezaji kimewasababishia kutokuwa na makazi ya kuishi.

Hayo yalisemwa jana jijini Dar es salaam na wakilishi wa wanakijiji hao, Emmiliana  Kimaro, wakati alipokuwa akiwasilisha mada katika Tamasha la Mtandao wa Jinsia lililofanyika makao makuu TGNP kuanzia septemba 13-16 mwaka huu.

Kimaro alisema kitendo kilichofanywa na serikali kuchukua eneo la msitu huo wakati ndani yake kulikuwa na wakazi wa kudumu bila kuwatafutia njia mbadala ya kuwahamishia wanakijiji hao, wamekifananisha na ukatili.

“Serikali ilitangaza kuwa wanakijiji wa Ngaranairoi tumepatiwa ardhi ni uongo,  ila waliomilikishwa ardhi na serikali ni wanakijiji wa Ngurushani, na wengi wao ni wazee hata hivyo ardhi waliyokabidhiwa ni vipande vya roborobo” alisema Kimaro.

“Naongea kwa masikitiko pia naomba mtandao huu unilinde kwani kufichua siri iliyofichwa na serikali kwa muda lolote linaweza kutokea ila ukweli utabaki pale pale lazima kilio chetu jamii ikifahamu” alisisistiza Kimaro.

Mwisho.

WANAHARAKATI WAITAKA SERIKALI KUREKEBISHA SERA NA SHERIA KANDAMIZI

                                                        Na Stephano Mango

WANAHARAKATI wameshauri sera  na sheria  mbalimbali zilizotungwa na zitakazotungwa  kwa ajili ya kukuza uchumi ili kuleta maisha bora endelevu kwa  wananchi nchini  zifanyiwe ufatiliaji ili kuhakisha zinawanufaisha watoto na wasichana wanaofanya ajira  za ndani .

Wakichangia mada katika warsha ya Mapambano ya wanaharakati kwa wanawake katika njia za kujiajiri,kupata ajira na kujiletea maisha endelevu katika Tamasha la 10 la wiki ya Jinsia lililo malizika juzi jijini Dar es salaam wanaharakati hao  walisema sheria nyingi zimetungwa na zimelenga  kuleta maisha bora kwa watanzania wakiwemo wanawake  lakini hakuna  ufatiliaji unaofanyika kuhakikisha zinatekelezwa ili kuwanufaisha  katika masuala ya kupata ajira.

Mwenyekiti wa Mtandao wa Jinsia Tanzania,Mary Rusimbi alisema ili kuondokana na matatizo ya ajira kwa wanawake ni vizuri  sera za kitaifa za kuondokana na umaskini zikiwemo sera ya ajira zitekelewe.

“Sera hizi inabidi zifanyiwe ufatiliaji ili kutambua kasi ya utekelezaji katika kuleta maisha bora na endelevu kwa wananchi,elimu katika masuala ya ajira inabidi itolewe ili mfanyakazi  akiwemo wa nyumbani  aweze kujua haki na wajibu wake katika kazi hizo”alisema Rusimbi.

Na kufafanua kuwa  elimu hiyo itampa mwongozo kutambua kazi za nyumbani anazopaswa kufanya na sizopaswa kufanya.

Alieleza kuwa haki mojawapo ambayo mfanyakazi wa ndani anapaswa kuidai ni kutambulika katika chama cha wafanyakazi nchini.

Wanaharakati hao walieleza kuwa wasichana wanaofanya kazi za ndani wanaishi katika mazingira magumu na hii ni kutokana na kunyimwa fursa za kushiriki katika mijadala,kupata elimu na kufanya maamuzi.

Naye Ruth meena akizungumza katika warsha alisema kuwa ili kuondoa tatizo hilo basi sera za elimu ziboreshwea ili kuwawezesha wafanyakazi wa ndani kufahamu haki zao za ajira na kujipatia maisha endelevu.

Lakini pia alitoa wito kama mtoto wa kike amefeli mtihani wa shule ya msingi si vizuri akiozeshwa au kulazimishwa kufanya kazi za ndani  badala yake apelekwe shule za ufundi stadi ili baadae aweze kujikomboa kiuchumi.

Andrew Njau kutoka Kilimanjaro, wilaya ya Hai alisema elimu endelevu kwa vijana ni suluhisho pekee la kupambana na tatizo la ajira na umaskini nchini hivyo basi  serikali inatakiwa kuwajibika kuanzia ngazi za chini kuhakikisha utekeleaji wa sera hizo unatiliwa mkazo.

Kwa upande wake Veronica Ngweya ,kutoka Msumbiji alisema ili kutatua tatizo la ajira kwa wasichana wa ndani serikali  yao imeanzisha kampeni maalum ya kuwafikia na kukusanya maoni ili kutambua matatizo wanayaokumbana nayo na kisha kuwapatia elimu.

“Tunawafundisha sera zitakazowajengea uwezo wa kujitambua na kuzipigania hali zao pale wanapoona zimekiukwa”alisema Ngwenya.

mwisho

WADAU MBALIMBALI NCHINI WAENDELEA KUTUMA SALAMU ZA RAMBIRAMBI KWA FAMILIA YA MAREHEMU MOHAMED MNYACHI ALIYEKUWA MWENYEKITI WA CHAMA CHA TANZANIA LABOUR PARTY(TLP) WILAYANI TUNDURU

Marehemu Mohamed Mnyachi enzi za uhai wake(Picha kwa hisani ya Familia yake)

Na Agustino Chindiye,Tunduru

Mtandao huu unatoa pole kwa Familia ya Marehemu Mnyachi na inaungana na watanzania wote katika majonzi hayo;Tunaamini kuwa Marehemu Mnyachi ameacha pengo kubwa ambalo halitazibika lakini mchango wake umeonekana dhahili katika kuchangia harakati za ukombozi wa Taifa hili kutoka nikononi mwa Mafisadi na wabadhilifu nchini

Marehemu Mnyachi ametangulia mbele za haki nasi tunamfuata lakini aliweza kutimiza wajibu wake kikamilifu enzi za uhai wake,uliobaki ni wetu,wakati tunaendelea kumkumbuka tutafakari kwa umakini fikra zake ili ziweze kutusaidia katika ujenzi wa pamoja wa taifa tunalolihitaji
         Bwana alitoa na Bwana ametwaa,Jina lake lihimidiwe

MAHAFARI YA KIDATO CHA NNE SHULE ZA WILAYANI TUNDURU YATUMIKA KUKUSANYA FEDHA YA KUBORESHA MIUNDOMBINU KATIKA SHULE ZILIZOPO MJINI HUMO

Na Steven Augustino,Tunduru

MAHAFARI ya kuwaaga wanafunzi wanaomaliza kidato cha Nne katika Shule za Sekondari za Wilaya ya Tunduru Mkoani Ruvuma yametumika kufanya harambee za kuchangisha fedha kutoka kwa wazazi na walezi wa wanafunzi wanaosoma katika shule hizo ili ziweze kusaidia utengenezaji wa miundombinu mbalimbali .

Hali hiyo imetokana na Shule nyingi za Sekondari katika Wilaya hiyo kukabiliwa na uhaba mkubwa wa vifaa mbalimbali pamoja na kutokuwepo kwa miundombinu ya maji, uchakavu wa vyumba vya madarasa pamoja na upungufu wa thamani yakiwemo madawati, meza na viti vya kukalia wanafunzi.

Akizungumzia hali hiyo katika mahafari yaliyofanyika katika Shule za Sekondari za Masonya na Mataka afisa elimu wa Shule za Sekondari wa Wilaya ya Tunduru Mwl. Ally Mtamila alisema kuwa mpango huo umebuniwa kufuatia tabia za ukaidi na ugumu wa kuchangia maendeleo kupitia michango ambayo imekuwa ikiombwa na Shule kutoka kwa wazazi na walezi hao.    

Alisema baada ya kupatikana kwa fedha hizo zitasaidia kuanzia kutatua matatizo yanayozikabiri yakiwemo ya kujenga, kufanya ukarabati au kufanya malipo ya kuanzia kutengenezea vitanda kwa shule za Hostel au kununulia mbao ambazo zitatumika kutengenezea meza na madawati zikiwa ni juhudi za kupunguza adha mbali mbali zinazo ikabili idara hiyo wakati huohuo pia idara hiyo ikijitahidi kuomba uwezeshwaji kutoka halmashauri ya Wilaya hiyo.

Akizungumzia michango ya Shilingi 456,440 iliyopatikana kupitia harambe hiyo iliyofanyika katika Shule  za Sekondari zilizopo mjini Tunduru ambazo ni Frenkweston, Mataka na Masonya wakati wa mahafari hayo,  Mtamila alisema kuwa huo ni mwanzo mzuri na kwamba endapo utamaduni huo utaendelezwa kuna uwezekano wa Wilaya hiyo kupiga hatua kubwa za kimaendeleo katika nyanja hiyo  ya elemu.

 Aidha Mwl. Mtamila aliendelea kueleza kuwa idara yake yenye shule 19 inakabiriwa na upungufu wa walimu 130 kati ya mahitaji ya walimu 289  wengi wao wakiwa ni walimu wa masomo ya Sayansi hali inayotishia wanafunzi hao kufanya vibaya katika mitihani ya masomo hayo ambapo jumla ya wanafunzi 1200 wanatarajiwa kufanya mtihani wa kuhitimu elimu ya sekondari mwaka huu.

Akiongea kwa nyakati tofauti wakati wa kufunga mahafari hayo  pamoja na mambo mengine Mwl. Ally  Mtamila aliwakumbusha wazazi na walezi wa wanafunzi waliomaliza darasa la saba kufanya maandalizi ili watoto wote watakao chaguliwa wajiunge kwa wakati na kuanza masomo ya sekondari.

Kuhusu wahitimu wa kidato cha Nne Mtamila aliwataka kufanya maandalizi mazuri ili waweze kufanya vizuri katika matokeo ya mitihani ya taifa ili waweze kuendelea na masoma ya juu na kwamba wasikubali kudanganyika na maisha ya uraiani ambayo mwisho wake unaweza kufupisha maisha yao.

Awali wakisoma risala katika shule hizo kwa niaba ya wanafunzi wanaoagwa,Omari Jeuri wa Masonya Sekondari na Ayubu Adhuman wa Mataka sekondari walisema kuwa kukosekana kwa huduma ya maji katika shule zao kunatishia kulipuka kwa homa za matumbo ukiwemo ugunjwa wa kipindupindu.

Wakizungumzia madhara ya ukosefu wa Miundombinu ukosefu wa Walimu wa masomo ya sayansi, meza na viti vinavyo zikabili shule zao wakuu wa shule za Masonya Mwl. Mohamedi Ngaunje na Mkuu wa Shule ya sekondari ya Mataka Mwl. Johnes Liombo walidai kuwa endapo matatizo hayo yataachiliwa yaendelee kuna hatari ya idadi kubwa ya wanafunzi kuendelea kufanya vibaya katika matokeo ya mitihani ya taifa na kuiweka Wilaya yao katika alama mbaya kila mwaka.

Mwisho.     

MSAMA PROMOTIONS KUGAWA MAMILIONI KWA WALEMAVU NCHINI

NA MWANDISHI WETU

 

MKURUGENZI wa Kampuni ya Msama Promotions, Alex Msama amesema kuwa baada ya kupata mafanikio kwenye Tamasha la Pasaka,anatarajia kutoa baiskeli 50 za walemavu  zenye thamani ya Sh. milioni 30.

 

Akizungumza jijini Dar es Salaam juzi, Msama alisema kuwa fedha hizo alizoamua kuzielekeza kwa walemavu, zimetokana na mauzo mazuri ya DVD na VCD za tamasha la Pasaka lililofanyika mwaka huu, ambalo pia lilihudhuriwa na rais Jakaya Kikwete.

 

Alisema kuwa ameamua kufanya hivyo kutokana na kuguswa na matatizo ya watanzania wenzake hasa walemavu ambao wamekuwa wakitaabika kutafuta ridhiki, kutokana na kushindwa kutembea.

 

“Nimeona kuna haja ya kuwajali walemavu,nilichoamua ni kuwa ni vema hiki kidogo nilichokipata nimeona ni vema kama nitagawana nao,”alisema Msama.

 

Alisema kuwa tayari ameshaanza kazi ya kununua baiskeli hizo, ambazo zitakuwa ni za kisasa.

 

Baiskeli hizo atazigawa kwenye mikoa ya Lindi, Mtwara,Songea na Tabora, ambapo Tabora na Songea kila mkoa mmoja utapata baiskeli 10 huku Lindi na Mtwara kila mmoja utapata baiskeli 15.

 

Kwa upande mwingine aliongeza kuwa utaratibu huo utaendelea kila mwaka, kwani anaamini wapo watanzania wenye matatizo ambayo yanahitaji kusaidiwa na anaona kwa upande wake analojukumu la kuwasaidia.

 

Mwisho..

DIWANI WA CHADEMA AWARUSHIA KOMBORA NZITO WABUNGE WA MKOA WA RUVUMA

Na Gideon Mwakanosya,Songea CHAMA cha Demokrasia na Maendeleo(Chadema) Mkoani Ruvuma kimewashushia shutuma nzito Wabunge wa Majimbo mbalimbali Mkoani Ruvuma,pamoja na wa Viti Maalumu kuwa wamekuwa ni mzigo kwa wananchi waliowachagua kwani wamekuwa wakishindwa kuwakilisha matatizo yaliyoko katika majimbo yao kikamilifu. Akiwahutubia wananchi kwenye mkutano wa hadhara kwenye Kata mpya ya Mjimwema kwenye kiwanja cha eneo la Shule ya Msingi Samora Mwenyekiti wa chama hicho Mkoani Ruvuma Joseph Fuime alisema kuwa wabunge wa Mkoani wa Ruvuma wanapokwenda kuhudhuria vikao vya bunge wanashindwa kabisa kuwakilisha matatizo yaliyoko kwenye Manispaa ya Songea ambayo kwa muda mrefu kwa nyakati za usiku kunakuwa ni giza totoro lakini Mbunge wa Jimbo hilo amekaa kimya. Fuime ambaye pia ni Mwenyekiti wa Serikali ya Mtaa wa CCM katika Manispaa ya Songea ameeleza kuwa wabunge wa majimbo yaliyoko Mkoani Ruvuma inaonyesha wazi kuwa wanapokwenda kwenye vikao vya bunge wanakimbilia posho na sio kwenda kama wawakilishi bungeni kama wanavyofanya wabunge wengine toka majimbo ya Mikoa mbalimbali. “Wananchi niwaambieni Songea kumekuwa na matatizo mengi yakiwemo ya vocha za pembejeo zilizo chakachuliwa na wakubwa pamoja na tatizo Kubwa la kutopatikana umeme kwa muda mrefu katika mji wa Songea lakini tangu kikao cha bajeti ya bunge kilivyoanza mpaka kimeisha Mbunge wa jimbo hilo Dkt Emmanuel Nchimbi amekaa kimya kwa kisingizio cha kudai yeye ni Waziri” alisema Fuime. Vilevile amewataadharisha Watanzania wakiwemo wananchi wa Moka wa Ruvuma kuwaogopa viongozi wachache wa Serikali ya Ccm ambao wamekuwa ni mafisadi wakubwa na wamegeuza Watanzania kuwa ni sehemu la shamba la bibi ambalo halina mwenyewe. Amesema kuwa viongozi hao wamekuwa wakiuchezea uchumi wa nchi bila uoga na hakuna hatua zinazochukuliwa juu yao zaidi kumekuwepo na danganya toto kwa watanzania kuwa Serikali ya Ccm imeamua kupambana na mafisadi wakati mafisadi wenyewe wanaendelea kucheza kwenye shamba la bibi bila uoga. Kwa upande wake Katibu wa Chadema jimbo la Songea Masumbuko Paulo ameeleza kuwa kwa kitendo alichokifanya Mbunge wa Jimbo la Mbinga Kapteni John Komba cha kuamua kumsaidia Mbunge wa Songea Mjini Dkt Nchimbi kumfikishia bungeni tatizo Kubwa la miundo mbinu mibovu katika Kituo kikuu cha mabasi Songea,kinastahili pongezi kwani hali halisi ya miundo mbinu ya Kituo hicho cha Mabasi ni mbaya lakini mwakilishi wa wakazi wa Songea mjini bungeni kwa kipindi chote cha bunge la bajeti alishindwa kabisa kuliweka wazi ili Serikali ijue ni namna gani kusaidia ukarabati kwenye Kituo hicho.  MWISHO

Tamasha la Jinsia 2011 TGNP Dar laweka mikakati kibao! ikiwemo kuhitaji mahakama ya wananchi,kuvipa nguvu vyombo vya habari nchini na vile vya ukanda wa afrika kuripoti habari za Jinsia na wanawake wa kimapinduzi

 Mwenyekiti wa Kamati ya Mafunzo na Maadili ya Baraza la Habari Nchini(MCT) JUMA NYUMAYO akionyesha bango baada ya kuwasilisha mrejesho wa waandishi wa habari namna ya Wadau wa Habari wanavyonyanyaswa pindi wanapofuatilia habari mbalimbali wakati wa kufunga Tamasha la Jinsia la 10 lililofanyika katika viwanja vya TGNP -Mabibo kuanzia Septemba 13-16

 Viongozi wa Mtandao wa Jinsia Tanzania wakiwa wanafuatilia mrejesho kutoka kwa wawasilishaji mbalimbali wakati wa ufungaji wa Tamasha la 10 la Jinsia mwaka 2011

 Wanahabari wa vyombo mbalimbali wakiendelea na majukumu yao kabla ya kumalizika kwa tamasha la 10 la Jinsia mwaka 2011

Mwenyekiti wa Kamati ya Maadili na Mafunzo ya MCT akisisitiza jambo na Mwanaharakati Mzee Abdalah Ndege wakati wa kufunga Tamasha la 10 la Jinsia Tanzania

MKUU WA MKOA WA RUKWA ATUA KATIKA VIWANYA VYA TGNP-MABIBO,AKUTANA NA WANAHARAKATI NA WAANDISHI WA HABARI

 Mratibu wa Mtandao wa Jinsia Tanzania Lilian Liundi wa pili kutoka kushoto akizungumza na Mkuu wa Mkoa wa Rukwa Injinia Stella Manyanya (MB) alipotembelea Tamasha la 10 la mwaka 2011 lililomalizika jana katika viwanja vya Mabibo

 Mwenyekiti wa kamati ya Maadili na Mafunzo wa MCT Juma Nyumayo na Dada Lilian Liundi wakifuatilia kwa umakini mkubwa mikakati ya maendeleo iliyotolewa na Mkuu wa Mkoa wa Rukwa Injinia Stella Manyanyaalipokuwa anazungumza na wafanyakazi wa TGNP na Waandishi wa Habari katika ofisi za TGNP

 Mkuu wa Mkoa wa Rukwa Injinia Stella Manyanya akizungumza na waandishi wa Habari na Wafanyakazi wa mtandao wa Jinsia Tanzania(TGNP)

Huyu ndiye Mkuu wa Mkoa wa Rukwa Injinia Stella Manyanya akisikiliza maoni mbalimbali ya maendeleo Mkoani Rukwa kutoka kwa Waandishi wa Habari

HEKAHEKA ZA WASHIRIKI WA TAMASHA LA 10 LA JINSIA KWA MWAKA 2011 ZINAENDELEA KWENYE VIWANJA VYA TGNP-MABIBO JIJINI DAR ES SALAAM

 Waandishi wa habari wa vyombo mbalimbali kutoka mikoani wakijadiliana wakati wa tamasha hilo linalomalizika Septemba 16

 Washiriki wakifuatilia mada zinazowasilishwa wa Wanaharakati mbalimbali wakati wa Tamasha la Jinsia Tanzania kwa mwaka 2011

 Hawa ni miongoni mwa washiriki wakifuatilia mijadala mbalimbali katika viwanja vya TGNP-Mabibo wakati wa warsha za pamoja

 Ndivyo Tamasha la Jinsia lilivyokuwa kwani washiriki mbalimbali wakiendelea kupata mbinu za kujikomboa kutoka kwenye makucha ya ubeberu na ubepari unaoendelea kujitokeza barani Afrika

Hii ni sehemu tu ya washiriki wa Tamasha walivyokuwa katika hali ya umakini wakati wa Tamasha hilo

MASKINI JAMANI;;;;MAMA AGONGWA NA YEBOYEBO NA KUSABABISHA KIFO CHA MWANAYE

YEBOYEBO YAMGONGA MAMA NA KUSABABISHA KIFO CHA MTOTO

Na Gideon Mwakanosya,Songea

JESHI la Polisi Mkoani Ruvuma linamshikiria mwendesha Pikipiki mmoja Omari Mdoka mkazi wa kijiji cha Mchoteka kilichopo Wilayani Tunduru kwa tuhuma za kumgonga Mwanamke Halima Mohamedi (19) na kusababisha kifo cha mtoto wake aliyekuwa amebebwa mgongoni wakati anatoka shambani.

Akizungumza na Mwandishi wa mtandao huu wa www.stephanomango.blogspot.com ,Gideon Mwakanosya jana ofisini kwake Kaimu Kamanda wa Polisi Mkoani Ruvuma Mrakibu Mwandamizi wa Polisi (SSP) Geoge Chiposi amesema kuwa tukio hilo limetokea September 15 mwaka huu majira ya saa 9 alasiri katika kijiji cha Mkalola kilichopo Wilayani Tunduru.

SSP Chiposi ameeleza kuwa siku hiyo ya tukio inadaiwa kuwa mwendesha pikipiki Mdoka akiwa anatoka Mchoteka kwenda Kijiji cha Mkalola alimgonga mtembea kwa mguu Halima Mohamedi ambaye alikuwa amembeba mtoto wake mgongoni Asha Mauridi Mwenye umri wa miezi tisa.

Amefafanua zaidi kuwa Mdoka ambaye alikuwa akiendesha pikipiki yenye namba za usajiri T 813 BLM, aina ya Sunlge alikimbia mara tu ya kutokea ajari hiyo, lakini baadaye wananchi wa kijiji hicho walifanikiwa kumkamata akielekea katika kijiji cha Nalasi.

Hata hivyo Kaimu kamanda wa Polisi SSP Chiposi ameeleza kuwa chanzo cha ajali hiyo ni kwamba mwendesha pikipiki alikuwa kwenye mwendo mkali ambao ulisababisha kushindwa kumudu usukani wakati mwanamke huyo Halima Mohamedi akiwa amembeba mwanaye mgongoni akijaribu kumkwepa kandokando ya barabara upande wa kulia ambapo alimgonga na kukimbia na Polisi wanaendelea kufanya upelelezi na utakapo kamilika mtuhumiwa atafikishwa mahakamani kujibu mashitaka yanayo mkabili.

 MWISHO.

MAJAMBAZI WAPORA MILIONI 5 NA KUJERUHI WAFANYABIASHARA WATATU NA KISHA KUTOKOMEA KUSIKOJULIKANA

                                   Na Gideon Mwakanosya, Songea

 

MFANYABIASHA mmoja Habiba Kazembe (45) mkazi wa Mtaa wa Muungano uliopo Wilayani Tunduru Mkoani Ruvuma amevamiwa na kundi la watu wanaosaidikiwa kuwa ni majambazi na kuporwa fedha taslimu shilingi milioni 5 akiwa amelala chumbani kwenye nyumba ya kulala wageni ya Mataya iliyopo katika kijiji cha Lusewa Wilayani Namtumbo na wafanya biashara wengine watatu wamejeruhiwa vibaya kwa kupigwa risasi na majambazi hayo ambayo yalitoroka na kutokomea kusiko julikana.

 

Walio jeruhiwa kwa kupigwa na risasi wametajwa kuwa ni Edga Kayombo mfanya biashara Mkazi wa Eneo la Lizaboni Manispaa ya Songea, Michael Komba mfanya biashara ambaye ni Mkazi wa Mahenge Songea Mjini na Muhudumu wa nyumba ya kulala wageni wa nyumba ya Mataya Mariamu Azizi .

 

Habari zilizopatikana mjini hapa ambazo zimethibitishwa na Majeruhi zimeeleza kuwa tukio hilo  limetokea  September 15 majira ya saa za usiku huko katika Kijiji cha Lusewa kilichopo Wilayani Namtumbo ambako inadaiwa majambazi ambao idadi yao haikuweza kufahamika mara moja wakiwa na silaha aina ya SAR na SMG walivamia nyumba ya kulala wageni  kisha waliwajeruhi watu watatu kwa kuwapiga na risasi watu watatu sehemu mbalimbali za miili yao na kumpora mfanyabiashara mmoja shilingi milioni tano nakutokomea nazo.

 

Mmoja wa majeruhi Edga Kayombo ameuambia mtandao huu wa http://www.stephanomango.blogspot.com/  jana mchana kuwa yeye amejeruhiwa kwa  kupigwa risasi mkono wa  kushoto  akiwa amelala kwenye gari ambalo lilikuwa nje ya nyumba ya kulala wageni baada yakukosa vyumba .

 

Amefafanua  kuwa  kundi hilo la watu wanaosadikiwa kuwa ni majambazi walivamia nyumba hiyo ya kulala wageni saa 9 usiku yeye akiwa kwenye gari ghafla alisikia  mlio  wa  risasi  zikipigwa ndani  ya nyumba  ya kulala  wageni .

 

Amesema  kuwa  baada ya  kusikia  milio  ya risasi  aliondoka  na  kwenda ndani ya nyumba ya kulala wageni ambako walikuwa wamelala  wafanyabiashara  wenzake   lakini akiwa anatoka  kwenye  gari  hilo  alikutana na watu watatu  wakitokea kwenye nyumba hiyo ya kulala wageni wakiwa na siraha wameshika  mikononi ambapo mmoja kati yao alimpiga risasi kwenye mkono wa kushoto.

 

Ameeleza zaidi  kuwa  majambazi hao baadaye waliondoka na kutokomea kusikojulikana na  yeye alianza kupiga kelele kwa ishara ya kuomba msaada ambapo majirani walifika kwenye eneo la tukio kisha waliwachukua majeruhi hadi kituo cha polisi cha lusewa ambako walipatiwa hati ya matibabu ambako walikimbizwa kwenda hospitali ya serikali ya Mkoa kwa matibabu zaidi.

 

Mganga Mfawidhi wa hospitali ya Mkoa Songea Dkt Benedict Ngaiza ameiambia nipashe kuwa majeruhi hao walipokelewa majira ya saa 5 na nusu asubuhi ambapo alibainisha kuwa Kayombo amepigwa risasi kwenye kiganja cha mkono wa kushoto, Komba amepigwa risasi kwenye makalio na Mariam Azizi amepigwa risasi sehemu za siri chini ya kinena na kwamba mpaka sasa risasi moja bado ipo kwenye paja lake wanafanya jitihada ya kuondoa risasi hiyo mwilini.

 

Kwa upande wake Kaimu Kamanda wa Polisi wa Mkoa wa Ruvuma Mrakibu Mwandamizi wa Polisi (SSP)  George Chiposi amethibitisha kutokea kwa tukio hilo ambalo amedai kuwa limetokea majira ya saa 9 usiku huko katika Kijiji cha Lusewa Wilayani Namtumbo kwenye nyumba ya kulala wageni ya Mataya ambako kundi la Majambazi wakiwa na siraha zinazosadikiwa kuwa ni SAR  na SMG waliingia kwenye nyumba ya kulala wageni ya mataya na kupiga risasi na baadaye walifanikiwa kuvamia chumba cha mfanyabiashara mmoja habiba kayombo ambaye alidaiwa kuwa alitokea Tunduru kuja kufanya biashara kwenye mnada na walimpora fedha tasilimu shilingi milioni tano na baadaye walimjeruhi kwa kumpiga makofi na wapangaji wengine walijeruhiwa kwa kupigwa risasi.

 

Chiposi amesema kuwa watuhumiwa hao baada ya kupora fedha za mfanyabiashara huyo walikimbia na kutokomea kusiko julikana na polisi inaendelea kuwasaka majambazi hao ambao mpaka sasa bado hawajafahamika.

 

MWISHO