USHIRIKI WAKO KATIKA SIKU 16 ZA KUPINGA UKATILI WA KIJINSIA KANDA YA KUSINI NI NGUZO MUHIMU KUIMARISHA TANZANIA HURU

 Mmiliki wa mtandao wa www.stephanomango.blogspot.com, Ndugu Stephano T.Mango anaungana na wanaharakati wengine nchini na nje ya nchi akiwemo Dada yangu Yasinta Ngonyani na Mzee Mbelle kwenye maandalizi ya kuadhimisha siku hizo 16 na kwa wale wote ambao kwa sababu zilizo nje ya uwezo wao wameshindwa kushiriki siku hizo,Nawapa Pole na tuzidi kuombeana kwani naamini walipenda kushiriki lakini wasihofu naomba waniruhusu niwawakilishe

Mwanabloga Mwenzangu,Mwandishi Mwenzangu wa Habari,Mwalimu Mwenzangu,Mwaharakati Mwenzangu bila kusahau Baba yangu Juma Nyumayo akionyesha bango linaloonyesha ukatili wa kijinsia kwa waandishi wa habari

Na Stephano Mango,Songea

MKOA wa Ruvuma umepewa heshima ya kuadhimisha siku 16 za kupinga Ukatili wa Kijinsia Kanda ya Kusini inayojumuisha Mikoa ya Iringa,Mbeya,Ruvuma,Lindi na Mtwara kuanzia Tarehe 25/11/2011 hadi 10/12/2011

Katika siku hizo 16 za maadhimisho wadau wanategemea kufanya maandamano,kutoa elimu ya jinsia kwa makundi mbalimbali na kutoa msaada wa sheria katika kata nne zilizopo Halmashauri ya Manispaa ya Songea chni ya kauli mbiu” Miaka 50 ya Uhuru pinga ukatili wa kijinsia kuimarisha Tanzania huru”

Vikundi mbalimbali vya sanaa vitatumbuiza vikiwa na ujumbe lengwa hivyo wadau wote wanatakiwa kuhudhuria kwani ushuhuda mbalimbali wa ukatili wa kijinsia utatolewa na wahusika waliofanyiwa vitendo hivyo

WAWILI WABAKWA KATIKA MATUKIO MAWILI TOFAUTI NA KUACHIWA MAUMIVU MAKALI SEHEMU ZAO ZA SIRI

Kamanda wa Polisi Mkoa wa Ruvuma Michael Kamuhanda

Na Mwandishi Wetu, Songea

JESHI la Polisi Mkoani Ruvuma linamshikilia Jaibu Alli ambaye umri wake haukuweza kufahamika mara moja kwa tuhuma za kumbaka msichana wa umri wa miaka kumi na sita ambaye jina lake limehifadhiwa anayesoma katika Shule ya Sekondari ya kutwa ya Kalembo iliyopo Halmashauri ya Manispaa ya Songea na kumsababishia maumivu makali sehemu za siri.

Akizungumza na mtandao wa www.stephanomango.blogspot.com  jana ofisini kwake Kamanda wa Polisi wa Mkoa wa Ruvuma Michael Kamuhanda amesema kuwa tukio hilo limetokea juzi jioni majira saa kumi  jioni huko katika eneo la Matogoro Songea Mjini nyumbani kwa Wazazi wake.

Kamuhanda amefafanua kuwa inadaiwa siku hiyo ya tukio msichana huyo akiwa jirani na nyumbani kwake alikutana na Jaibu ambaye alikuwa ni Mwanafunzi mwenzake katika Shule ya Kalembo na amehitimu Elimu ya Sekondari mwezi mmoja uliopita na walisalimiana na baadaye mvulana huyo alianza kumwambia maneno ambayo msichana huyo hakukubaliana nayo .

Ameeleza zaidi kuwa baada ya Jaibu kuona kuwa msichana huyo hakubaliani na maelezo aliyoyatoa ya kumtaka afanye mapenzi naye ndipo inadaiwa kuwa aliamua kumbaka kwa kutumia nguvu na kumsabishia sehemu za siri kuharibika na baadaye alikimbizwa katika hospitali ya Serikali ya Mkoa kwa matibabu ambako amelazwa akiendelea kupata matibabu.

Amesema mara tu baada ya kutokea tukio hilo mzazi wa msichana alitoa taarifa katika kituo kikuu cha polisi cah Songea na askari walipokwenda kwenye eneo la tukio walifanya upelelezi wa awali kisha walifanikisha kumkamata Jaibu.

Hata hivyo Kamanda Kamuhanda amesema kuwa Polisi bado inaendelea kufanya upelelezi zaidi kuhusiana na tukio hilo na kwamba ukikamilika mtuhumiwa atapelekwa mahakamani kujibu shtaka linalomkabili.

WAKATI HUOHUO Jeshi la Polisi Mkoani Ruvuma linamsaka mtu mmoja aliyefahamika kwa jina moja la Simon Mkazi wa Soko la wakulima Mbinga Mjini kwa tuhuma za kumbaka Mwanafunzi wa darasa la saba katika Shule ya Msingi Kiwanjani Mbinga Mjini ambaye jina lake limehifadhiwa.

Kamuhanda amesema tukio hilo lilitokea novemba 20 mwaka huu majira ya saa nane mchana huko katika eneo la mtaa wa soko la wakulima lililopo Mbinga Mjini ambako inadaiwa kuwa msichana wa umri wa miaka 12 akiwa nyumbani kwa wazazi wake alivamiwa na kubakwa na mtu mmoja ajulikanae kwa jina moja la Simon.

Amesema kuwa mtuhumiwa alitoroka mara tuu baada ya kumfanyia kitendo cha kinyama msichana huyo na kwamba kwasasa hivi Jeshi la polisi Mkoani Ruvuma  linamtafuta mtuhumiwa huyo ambaye anadaiwa kuwa amekimbia na kutokomea kusikojulikana.

MWISHO

UPIMAJI WA VIWANJA KWA KUTUMIA KAMPUNI KUNAKOMESHA MIGOGORO YA ARDHI NCHINI?

 Waandishi wa habari wakiwa kazini wakati Mwenyekiti wa Mtaa wa Mshangano Paulo Mangwe akitoa tamko la kutaka wapimiwe ardhi na Kampuni ya Ardhi Plan kwenye mkutano wa wananchi wa kata ya Mshangano

                                  Wananchi wakiwa kwenye mkutano huo

 Diwani wa Kata ya Mshangano Faustine Mhagama akizungumza kwenye mkutano huo

 Mkurugenzi Mtendaji wa Ardhi Plan Gombo Samandito akieleza namna kampuni yake itakavyopima viwanja Kata ya Mshangano kabla ya msimu wa mvua kuanza

 Mgeni Rasmi wa tatu toka kushoto ambaye ni Mwenyekiti wa Kamati za Huduma za Uchumi na Jamii Genfrida Haule akizindua mradi wa upimaji viwanja 18000 kata ya Mshangano

Mkurugenzi Mtendaji wa Kampuni ya Ardhi Plan akiwaonyesha wananchi ramani zilizopitishwa na Wiozara ya Ardhi ,Nyumba na Maendeleo na Makazi kwa ajili ya kupima viwanja kata ya Mshangano

Na Stephano Mango,Songea

ARDHI ni moja kati ya rasilimali yenye thamani kubwa endapo usimamizi wa matumizi yake utalenga kumuinua mwananchi kiuchumi,kijamii tofauti na ilivyo sasa kwenye maeneo mengi katika jamii kwani ardhi imekuwa chanzo kikubwa cha mapigano na migogoro

Maeneo mengi yamekuwa na migogoro ya ardhi kutokana na usimamizi mbovu wa matumizi ya ardhi usiozingatia sheria za nchi,tamaa za baadhi ya viongozi  na wakati mwingine dosari za uandaaji wa sera mbalimbali za nchi zisizozingatia uhalisia wa umiliki wa ardhi

Sera zote za maendeleo na mikakati mbalimbali ya maendeleo haiwezi kukamilika bila uwepo wa ardhi na rasilimali zake ikiwemo maji,misitu,madini,wanyamapoli,nishati na miundombinu mingine hivyo ni lazima kuwe na mipango mizuri ya matumizi ya ardhi ikiwa ni pamoja na kuainisha ukubwa wa ardhi iliyopo,mtumiaji ni nani na inafaa kwa shughuli ipi ili kuepuka migogoro katika jamii

Ili kufanikisha hilo ni lazima kuwe na wataalamu wa mipango miji wenye kuzingatia maslahi ya umma badala ya maslahi binafsi,vifaa vya kisasa vya kupangia miji vizuri na kuondokana na ujenzi wa makazi holela yasiyozingatia ukuaji wa idadi ya watu

Akizungumzia hilo Mtaalamu wa mipango miji ambaye pia ni Mkurugenzi Mtendaji wa Kampuni ya Ardhi Plan Gombo Samandito alisema kuwa Halmashauri nyingi nchini hazijaona umuhimu wa kuajiri Wataalamu wa mipango miji kwasababu ambazo hazijawa wazi

Samandito alisema kuwa mara kadhaa utasikia Halmashauri na Manispaa  nyingi zimekuwa zikilalamika kukosa Walimu,Madaktari,Wauguzi na Wafanyakazi wengine lakini haijawahi kusikika Halmashauri hizo zikilalamika kukosa Wataalamu wa Mipango Miji

“Baadhi ya miji haina kabisa wataalamu wa mipango miji na hata pale wanapokuwepo hawatumiki ipasavyo hali inayosababisha wananchi kujenga makazi yao holela na kusababisha adha kubwa mijini kwa kushindwa kufikiwa na miundombinu muhimu kama vile maji,nishati ,miundombinu ya barabara na huduma zingine za dharura” alisema

Alieleza kuwa inapotokea wananchi wamejenga makazi yao holela na Serikali inamipango mingine ya maendeleo katika maeneo hayo yaliyojengwa ndipo inapoamriwa kubomolewa bila kulipa fidia na kuitwa wananchi kuwa ni wavamizi wa maeneo hayo na kusababisha malalamiko na migogoro baini ya Serikali na wananchi

Samandito alisema kuwa ni muda mrefu sasa Serikali imekuwa na utaratibu wa kutekeleza upangaji na upimaji wa miji kwa njia ya kutwaa maeneo kutoka kwa wamiliki wake wa kimila kwa kutumia sheria zilizopo ,kulipa fidia ya shilingi elfu 90 kwa hekta moja na kuamriwa kuhama eneo hilo na kupimwa kwa matumizi mengine itakavyokuwa imepangwa na mamlaka husika

Alieleza kuwa  utaratibu huu haujawahi kukamilika bila kuacha malalamiko kwa wananchi kwani mara nyingine fidia imekuwa ikichelewa kutolewa.kutokulipa kabisa na wakati mwingine kulipwa kidogo tofauti na uthamini wa eneo hilo na kuwaacha wananchi wakiwa maskini na wakimbizi kwenye ardhi yao

Alisema kwenye maeneo mengine wamiliki wake wa kienyeji wamekuwa wakikata maeneo yao vipande vipande na kuviuza kwa haraka ili kuepuka fidia za Serikali,biashara hiyo ya vipande vidogovidogo maarufu kwa ishirini kwa ishirini

“Hali hiyo licha ya kusababisha migogoro ya ardhi baini ya familia lakini imekuwa chanzo cha makazi holela kutokana na kugawana viwanja kienyeji visivyopimwa na kuleta adha kubwa Serikalini”alisema Samandito

Mkurugenzi huyo wa Kampuni ya Ardhi Plan Gombo Samandito alisema kuwa ili kuondokana na uvamizi,migogoro ya ardhi na makazi holela ni lazima Serikali ione umuhimu wa upimaji wa viwanja vya makazi,biashara kwa kutumia Kampuni binafsi kwa gharama za wananchi wenyewe kwani jambo hilo linawezekana

Samandito alisema kuwa kwa kutumia sheria ya mipango miji namba 8 ya mwaka 2007 ambayo katika kifungu cha 15(2) inamruhusu mmiliki wa ardhi kuandaa michoro ya mipango miji na kupima,ambapo mmiliki anaweza kuandaa mpango wake hata kama tayari kuna mpango mwingine umeshaandaliwa kabla ya kupitishwa na Halmashauri husika

Alisema kuwa sheria ya mipango miji kifungu cha 15(8) pia inamtaka mmiliki wa ardhi anayetaka kuandaa mpango kuandika barua kwa mamlaka husika(Halmashauri) kabla hajafanya shughuli hiyo na kwamba sheria hiyo inatoa fursa kubwa kwa mmiliki wa ardhi kutozuiwa kuandaa mpango katika eneo lake bali asaidiwe ambapo kifungu cha 15(9) ni wajibu wa Waziri wa Ardhi,Mkurugenzi wa mipango miji na vijiji na Katibu Tawala wa mkoa kumsaidia mmiliki wa ardhi kufanikisha mpango wake

Alisema kuwa sheria hiyo kifungu cha 35(1) inaeleza kuwa mamlaka husika au Mkurugenzi wa Halmashauri ndani ya siku 60 tokea kupokelewa kwa maombi ya kuombea kibali cha kutekeleza mpango au kubadilisha matumizi anatakiwa kutoa majibu ya kukubali au kukataa maombi hayo

Alieleza zaidi kuwa  kifungu cha 35(4) kinaeleza kuwa endapo mamlaka husika au Mkurugenzi wa Halmashauri ameshindwa kujibu barua ya maombi kwa muda ulioandikwa hapo juu kwenye kifungu kidogo cha 1,itachukuliwa kuwa maombi yaliyoombwa yamekubaliwa

Alisema kuwa kwa kutambua umuhimu wa mipango miji mizuri na uwepo wa sheria hiyo,Kampuni ya Ardhi Plan imeingia ubia na wananchi wa kata ya Mshangano Manispaa ya Songea Mkoani Ruvuma ya kuwapimia viwanja 18000 kwa kuanzia na mchoro namba 9 eneo la Beroya ambapo mradi huo ulizinduliwa Novemba 20 mwaka huu

Alifafanua kuwa mradi huo wa upimaji wa viwanja kwa kutumia Kampuni uliibuliwa na wananchi wenyewe baada ya kuona wanakaa na kuishi katika makazi holela yasiyopimwa kwa muda mrefu kwani miaka mingi wananchi wa kata hiyo wamekuwa wakipeleka maombi Halmashauri ya kuomba kupimiwa maeneo yao bila mafanikio kutokana na Halmashauri kukosa uwezo wa kifedha

“Mradi huo utawainua kiuchumi wananchi wa Kata ya Mshangano kwa sababu wataweza kukopaa kupitia makazi yao  na kwamba wataweza kuishi katika makazi bora yaliyopimwa na kufanya mji wa Mshangano kuwa wa kisasa zaidi kuliko maeneo mengine ya Halmashauri ya Manispaa ya Songea”alisema Samandito

Alieleza kuwa mradi huo umezingatia upangaji wa miji wa kisasa na lazima utaenda sambamba na ulinganifu wa idadi ya watu katika kipindi cha miaka kuanzia 50 hadi 100 ijayo ili miundombinu na mahitaji mengine yawepo na yaweze kukidhi haja za wakati huo

Akielezea  Mradi huo Afisa Mtendaji wa Kata ya Mshangano Stan Kibiki alisema kuwa Mwaka 2010 kata yetu  ilibahatika kupata mradi wa upimaji viwanja wa Halmashauri lakini bahati mbaya fedha yenyewe ilikuwa kidogo kwani waliweza  kupima viwanja 347 katika mtaa wa Namanyigu eneo dogo mashambani hivyo tatizo la wananchi kuishi katika makazi holela lilibaki palepale

Alisema kuwa wananchi  kwa kushirikiana na viongozi wao katika kutatua tatizo hili waliamua kutafuta njia mbadala ambayo kwa kutumia sheria namba 8 ya Mipango Miji ya 2007 walitafuta Kampuni ya Ardhi Plan ya Jijini Dar Es Salaam ili iweze kuwapimia viwanja katika maeneo yao

Alieleza kuwa baada ya kuipata Kampuni hiyo makubaliano yakawa malipo ni ardhi kwa ardhi yaani wanapima ardhi wanalipwa ardhi kwa asilimia za kwamba mwananchi anapata 60% ya ardhi iliyopimwa na Kampuni inapata 40% ya ardhi iliyopimwa

Alifafanua kuwa asilimia 40% inayotolewa kwa Kampuni inatumika katika kuandaa michoro ya ubunifu wa mipango Miji (10%),kupima viwanja (10%)kuchonga barabara (10%) na faida ya Kampuni (10%) na kwamba mradi huu hauhusishi malipo ya fidia yoyote hii ni kwa makubaliano ya wananchi wenyewe na itakuwa kwa kusogezana

Afisa huyo alisema kuwa maeneo ya umma kama vile soko,shule,zahanati ,makaburi,stendi,msikiti,kanisa na maeneo ya wazi(open space)  yatatolewa bure katika mradi huo na kufanywa kuwa mradi wa kwanza kuibuliwa na wananchi wenyewe kwa kuitumia Kampuni ya Ardhi Plan kupanga mji wa Halmashauri ya Manispaa ya Songea

Alieleza kuwa gharama za mradi huo zinatolewa na wananchi wenyewe kwa kutoa ardhi badala ya kusubiri  Serikali mpaka ipate uwezo wa kifedha ambapo kwa wale wenye maeneo madogo yaani kiwanja kimoja mpaka viwili wanatozwa gharama ya fedha shilingi laki moja(100,000/=) kwa kiwanja kimoja na laki mbili(200,000) kwa viwanja viwili kama gharama za upimaji

Kibiki alisema kuwa mitaa ambayo  michoro yake imekamilika ni Mshangano,Namanyigu, na Mitendewawa yenye jumla ya viwanja elfu kumi na nane (18,000/=) ambapo mitaa mingine itafuata baadaye

Alieleza zaidi kuwa huduma za jamii kama maji ya bomba,umeme,barabara na miundombinu mingine itawafikia kama ambavyo wananchi wa kata ya Mshangano wanavyotegemea kupata mara baada ya mradi kukamilika

Kibiki alisema kuwa katika mradi huo wananchi watapata faida nyingi ikiwemo ya ajira kuanzia hatua ya kupima viwanja kwani mchoro mmoja umetoa ajira kwa watu 40 ambao wamekuwa wanalipwa  Tshs 4000/= kwa kutwa moja na kwamba kwa michoro 23 itatoa ajira kwa watu 920

Alifafanua kuwa kwenye uchongaji wa barabara mchoro mmoja umetoa ajira kwa watu 80 ambapo kila mmoja analipwa Tshs 5000/= kwa kutwa hivyo michoro 23 itatoa ajira kwa watu 1840 ambapo jumla ya michoro yote 23 wananchi watakao kuwa wamepata ajira kwenye upimaji na kuchonga barabara ni watu 2760 wanawake na wanaume

Alieleza jumla ya fedha watakayokuwa wanapata wananchi wa kata hiyo kwenye upimaji wa viwanja ni 920X4000=3680,000/= na kwenye uchongaji wa barabara 1840x5000=9,200,000/= na kufanya jumla ya fedha yote kuwa ni Tshs 12,880,000/= kwa siku

Alifafanua kuwa wafanyakazi hao watatoka ndani ya kata ya Mshangano ambapo mradi unatekelezwa kwani hiyo inaweza kuwasaidia sana wananchi kujikimu kimaisha na kumudu kununua pembejeo za kilimo katika msimu huu na hivyo kuzalisha mazao kwa wingi

Mkurugenzi huyo wa Kampuni ya Ardhi Plan Gombo Samandito alimalizia kwa kusema kuwa wakati nchi yetu inapata uhuru ilikuwa na watu na watu milioni 9 lakini kwasasa inawatu milioni 40 na wanaishi kwenye maeneo yasiyopimwa

Alisema inakadiliwa kuwa ifikapo mwaka 2028 idadi ya watanzania itakuwa milioni 75 hii ni kwa kutumia ongezeko la asilimia 2.9 kwa mwaka ikilinganishwa na watu milioni 33.67 mwaka 2002 hali hiyo ni lazima Serikali ione umuhimu wa Kampuni binafsi kupima ardhi ili wananchi waweze kuishi kwenye makazi yaliyopimwa kwa faida ya vizazi vya sasa na vijavyo

Alieleza kuwa jambo hilo linawezekana kwa makubaliano ya wananchi kulingana na maeneo wanayoishi kwa gharama zao ili kujenga mustakabali mzuri na usimamizi mzuri wa matumizi ya ardhi na Kampuni zitakazohitajika kupima ardhi hiyo na kuondoa migogoro mingi ya ardhi iliyopo kwenye maeneo yetu na kukomesha adha ya kuwepo kwa makazi holela kwani uwepo wa makazi holela ni kipimo cha umaskini

Mwandishi wa Makala haya

Anapatikana 0755-335051

http://www.stephanomango.blogspot.com/

DEREVA AFA PAPO HAPO BAADA YA GARI LAKE KUACHA NJIA NA KUPINDUKA

  Kamanda wa Polisi Mkoani Ruvuma Michael Kamuhanda

 

Na Gideon Mwakanosya, Songea

 

Mtu mmoja amekufa papo hapo na kujeruhiwa watu sita huko katika Kijiji cha Mlilayoyo Wilayani Namtumbo Mkoani Ruvuma baada ya gari walilokuwa wakisafiria kutoka Njombe kwenda Hanga kuacha njia na kupinduka.

 

Akizungumza na mtandao wa http://www.stephanomango.blogspot.com/   jana ofisini kwake Kamanda wa Polisi Mkoa wa Ruvuma Michael Kamuhanda amesema kuwa tukio hilo lilitokea jana majira ya saa 11.45 jioni kwenye barabara ya Mlilayoyo kuelekea Hanga na amemtaja aliyekufa papo hapo baada ya gari hilo kuacha njia na kupinduka Leonala Msemwa (60) Mkazi wa Kijiji cha Hurika kilichopo Wilayani Njombe Mkoa wa Iringa.

 

Kamuhanda amewataja waliojeruhiwa vibaya kuwa ni Kristofa Salingwa (30),Roida Salingwa (37),Luciana Salingwa ( 25 ) na Nelson Mligo (1) wote wakazi wa Kijiji cha Itulika Wilayani Njombe Mkoa wa Iringa wengine waliojeruhiwa ni Prisca Salingwa ( 28) Mkazi wa Kijiji cha Mtwango kilichopo Wilayani Njombe Mkoa wa Ruvuma na dereva wa gari hilo Steven Ngonyani (28) Mkazi wa Mfaranyaki Manispaa ya Songea.

 

Amefafanua zaidi kuwa inadaiwa siku hiyo ya tukio huko kwenye barabara ya Mlilayoyo kwenda Hanga Wilayani Namtumbo gari lenye namba za usajili T 360 AJF TOYOTA MARK II, rangi nyeupe ambayo ilikuwa ikiendeshwa na Steven Ngonyani ikitokea Njombe kwenda Hanga iliacha njia na kupinduka kisha ilisababisha kifo cha Leonala Msemwa na majeruhi sita.

 

Amebainisha zaidi kuwa majeruhi wawili dereva wa gari hilo Steven Ngonyani na Kristofa Salingwa kwasasa wamelazwa katika hospitali ya Serikali ya Mkoa Songea wakiwa wanaendelea kupata matibabu na majeruhi wengine wanne wametibiwa na kuruhusiwa kurudi nyumbani kwao na hali zao zinaendelea vizuri.

 

Kamanda Kamuhanda ameeleza kuwa chanzo cha ajali hiyo ni kwamba dereva wa gari hilo alikuwa kwenye mwendo kasi ambao ulimsababishia ashindwe kuumudu usukani kisha gari hilo liliacha njia na kupinduka.

 

MWISHO

ASKARI WAKIWA KWENYE DORIA NJE YA UKUMBI WA SERENGETI MJINI SONGEA

Askari wa doria wakimtilia shaka kijana aliyebeba mafuta kwenye madumu(guduria) ambaye jina lake halikuweza kupatikana mara moja

WATANI WA JADI NBC NA CRDB WATOKA UWANJANI BILA KUFUNGANA MECHI AMBAYO ILIKUWA KABAMBE

 Kikosi cha NBC kikiwa kwenye picha ya pamoja baada ya kumalizika kwa mechi,wa kwanza waliosimama kutoka kushoto ni mke wa Nahodha wa timu ya NBC Bi Sarah Mohamed

 Kikosi cha CRDB wakiwa kwenye picha ya pamoja na kikosi cha NBC mara baada ya kumalizika kwa mechi ya kirafiki iliyochezwa kwenye uwanja wa Majimaji na kutoka bila kufungana,waliosimama wa tatu toka kushoto ni Meneja wa CRDB Cosmas Mgimba, na wa kwanza waliosimama kutoka kulia ni Meneja wa NBC Henry Lussanga

 Nahodha wa timu ya NBC Emmanue Ntobi akiwa na mke wake Bi, Sarah Mohamed wakibadilishana mawazo kabla ya mechi kuanza

NBC WATAMBA KUIFUNGA CRDB KATIKA MECHI YA KIRAFIKI INAYOCHEZWA LEO ASUBUHI KWENYE UWANJA WA MAJIMAJI

 Nahodha wa timu ya NBC Emmanuel Ntobi akitamba kuwashushia mvua ya magori watani wao wa jadi CRDB

 Kikosi cha timu ya NBC kinachopambana na CRDB leo asubuhi

 Nembo ya NBC ikiwa imewekwa kwenye uwanja wa Majimaji na kumaanisha kuwa ushindi ni lazima

 Kikosi cha timu ya CRDB kinachopambana na NBC leo kwenye uwanja wa Majimaji kikiwa kimetulia na kukwepa kutoa aina yoyote ya tambo na kusubiri dakika tisini uwanjani ndipo watasema jambo

Nahodha wa timu ya NBC Emmanuel Ntobi akitafakari jambo na mke wake Bi Sara kabla ya mechi kuanza katika uwanja wa Majimaji

MUASISI WA VURUGU NA MISA YA PILI KANISA LA ANGLIKANA AHUKUMIWA KIFUNGO CHA MIEZI 12

            Askofu wa kanisa la Anglikana Dayosisi ya  Ruvuma Dk.Maternus Kapinga

NaThomas Lipuka,Songea.

MUASISI na kiongozi wa wakristo wa dhehebu la misa ya pili  wilayani Mbinga mkoani Ruvuma Joseph Lombola amehukumiwa kifungo cha miezi 12 kwa kosa la kufanya vurugu katika kanisa la Anglikana la Kristo Mfalme mjini Mbinga.

Lombola ambaye pia ni katibu wa Tume ya Utumishi ya Walimu (TSD) wilayani Mbinga ametiwa hatiani pamoja na  Martin Mawala aliyeachishwa upadre wa kanisa Anglikana kwa kutomtii Askofu wa Dayosisi ya Ruvuma.

Hakimu mkazi mfawidhi wa mahakama ya wilaya ya Mbinga Frank Mahimbali akitoa hukumu alisema ameridhika na upande wa mashitaka kuwa washitakiwa bila uhalali walifanya vurugu wakati ibada ikiendeshwa na padre  Andrew Nkomola wa kanisa la Kristo Mfalme mjini Mbinga.

Kutokana na hali hiyo ,mahakama iliwatia hatiani hivi karibuni na kuwahukumu kifungo cha nje  cha miezi 12 kila mmoja na kwamba katika kipindi hicho  hawatakiwi kufanya kosa la aina yoyote.

Awali mwendesha mashtaka wa polisi Inspekta Isaya alidai washitakiwa  hao walitenda makosa hayo Agosti 16 ,2009 katika kanisa hilo ambapo washitakiwa waliingia kanisani na kwenda madhabahuni kisha waliondoa vitambaa,kutupa vitabu  vitakatifu na sakramenti takatifu jambo ambalo lilisababisha vurugu kutoka kwa waumini.

Habari   zaidi kutoka ndani ya kanisa la Anglikana Dayosisi ya Ruvuma zinadai kuwa  Lombola ambaye hivi sasa anatumikia kifungo cha mwaka mmoja ndiye kiongozi wa kikundi cha kidini  kinachojiita Wakristo wa Misa ya Pili(SECT) ambacho kinaendesha shughuli zake mkoani Ruvuma bila uhalali wa  kisheria kwa kuwa hakina usajiri wowote.

Dhana ya Misa ya Pili  imetokana na ibada ya waumini ambao wamejitenga na  uaskofu wa kanisa la Anglikana hivyo hawana Askofu na bado walijiita waanglikana, wakalazimisha kufanya ibada zao katika makanisa ya uaskofu wa Ruvuma kwa kuvamia  makanisa na kujiita waumini wa misa ya pili.

Askofu wa kanisa Anglikana Dayosisi ya Ruvuma Dk.Maternus Kapinga  amesema amani ya kanisa hilo itaimarika zaidi baada ya kufungwa kwa muasisi wa SECT  ambaye alikuwa ni muhimili wa kikundi  cha Wakristo wa Misa ya Pili  ambao kazi yao kubwa ni  kulaghai,kuposha,kuharibu kanisa la Mungu na kuvuruga uongozi wa Askofu wa Ruvuma.

Kwa mujibu wa Askofu Kapinga waasisi,viongozi na wafadhili wakuu wa SECT ni wanasiasa,watu walioshindwa huduma takatifu  na watu wanaowania vyeo na mali katika kanisa hilo ambao wamejiengua kutoka katika kanisa hilo kwa madai  ya kutotaka kumtii Askofu wa Ruvuma wa awamu ya tatu.

Uchunguzi uliofanyika ndani ya Dayosisi hiyo  umebaini kuwa kikundi ambacho kinamkataa Askofu  na kujiita wakristo wa dhehebu la Misa ya pili ndani ya kanisa hilo ni wale wenye roho inayoongozwa na ukabila, chuki,  ulaghai, tamaa, wizi,  upinzani, uzushi, kiburi,ukengeufu na faraka.

“Lengo kuu la kikundi hicho ni kumwaga damu isiyo na hatia hasa wakidhamiria kumuondoa Askofu wa Ruvuma kutoa huduma takatifu aliyoitiwa na Mungu,mbinu kuu ambayo wanaitumia ili kutekeleza lengo hilo ni kupotosha na kutowaambia watu ukweli’’,alisema mkristo  ambaye hakutaka jina lake kuandikwa gazetini.

Mkristo huyo anabainisha zaidi kuwa kikundi hicho kinawashawishi watu wawafuate katika kumkataa Askofu wa Ruvuma na kwamba walifanikiwa kuanzisha vikundi katika maeneo ya Mbinga,Songea,Chiulu,Liuli na Puulu, vikundi ambavyo hivi sasa vyote vimekufa na wakristo wametubu na wamerudi kwa Askofu wa kanisa la Mungu.

Viongozi wa SECT ili kutimiza azima yao ya kulivuruga kanisa ,waliamua kuwa ajiri makasisi waliosimamishwa ili wawe viongozi wao wa kiroho.

Makasisi hao walisimamishwa kutoa huduma takatifu katika kanisa hilo baada ya kufanya makosa mabaya yakiwemo kuvunja ndoa, kutokutii mamlaka ya Mungu na kuishi na  vimada.

Askofu Dk.Kapinga anasema waumini wa dhehebu la Misa ya Pili   wamekuwa wakiigiza ibada zao kanisani na kwamba lengo lao halikuwa kumuabudu Mungu bali ni kuleta fujo ili ulimwengu useme Dayosisi ya Ruvuma ni yenye ni migogoro.

“Watu waliozuiwa kutoa huduma ya ukasisi katika kanisa hilo ,walikaidi amri hii ya Mungu na mamlaka halali ya kanisa,watu hao wakijua kuwa hawana mamlaka ya kasisi,lakini waliwadanganya watu  na serikali kwa kuwaibia malipo,mathalani kwa kufungisha ndoa bila kulipia kibali cha kufungisha ndoa’’,alifafanua Askofu Dk.Kapinga.

Kikundi cha  cha dhehebu la Misa ya pili kilijitokeza hadharani Desemba mwaka 2007  na hadi mwaka 2010 kikundi hicho kilikuwa kimemalizika na Dayosisi  ya Ruvuma kuwa katika hali ya amani na utulivu kutokana na juhudi zilizozaa matunda kwa ushirikiano baina ya waumini,uongozi wa kanisa  na viongozi wa serikali katika ngazi mbalimbali mkoani Ruvuma.

Takwimu  toka ofisi ya Askofu wa kanisa la Anglikana Dayosisi ya Ruvuma zinaonesha kuwa hadi kufikia Oktoba 31  mwaka huu kanisa hilo lina jumla ya waumini 41,000 ambapo dhehebu la Misa ya Pili lina waumini wasiozidi 50(hamsini)

WASHIKILIWA NA POLISI KWA TUHUMA ZA KUKUTWA NA PURI 54 ZA BANGI KATA YA MSHANGANO

Kamanda wa Polisi Mkoa wa Ruvuma Michael Kamuhanda

Na Gideon Mwakanosya, Songea

JESHI la Polisi Mkoani Ruvuma linawashikilia watu watano wakikabiliwa na tuhuma za kukutwa na puri 54 za bangi ambayo ilikuwa ikiuzwa kwenye eneo la Mshangano katika Halmashauri ya Manispaa ya Songea.

Kamanda wa Polisi Mkoa wa Ruvuma Michael Kamuhanda amesema kuwa tukio hilo lilitokea jana majira ya saa tatu asubuhi huko katika eneo la Mshangano Manispaa ya Songea ambako askari wakiwa doria walifanikiwa kuwakamata watuhumiwa hao wakiuza wengine wakinunua bangi.

Amewataja watuhumiwa hao kuwa ni Kessy Mwegela (28) na  Jordan Juma (19) wote wakazi wa bombambili,wengine ni John Kanjoroka (26)  na Joseph Moyo wote wakazi wa eneo la Mshangano Manispaa ya Songea.

Amesema kuwa watuhumiwa hao baada ya kuona askari Polisi wakiwa wamewazunguka walitafuta njia ya kutaka kukimbia lakini Polisi walifanikiwa kuwatia mbaroni wakiwa na puri 54 kwenye mfuko wa Rambo na nyingine zilikuwa kwenye mifuko yao ya suruali walizokuwa wamevaa.

Amefafanua kuwa watuhumiwa hao kati yao ni wauzaji maarufu wa bangi katika Manispaa ya Songea na wengine ni wavutaji ambao walikuwa wamefika kwenye eneo hilo kwaajili ya kununua bangi.

Kamanda kamuhanda amesema kuwa polisi bado inaendelea kufanya upelelezi zaidi wa tukio hilo na kwamba utakapokamilika watuhumiwa watafikishwa Mahakamani kujibu mashtaka yanayowakabili.

WALIMU WA SAYANSI NA LUGHA WILAYANI NAMTUMBO NI TATIZO SUGU

    Kaimu Afisa Elimu Wilaya ya Namtumbo Lidya Herbert

Na Stephano Mango, Namtumbo

HALMASHAURI ya Wilaya ya Namtumbo Mkoani Ruvuma ambayo ina shule 30 za Sekondari zikiwemo Shule 24 za Serikali na Shule za Binafsi  6 inakabiliwa na tatizo kubwa la upungufu wa Walimu wa masomo ya Sayansi na Lugha na kusababisha Wanafunzi wa Shule hizo kushindwa kumudu masomo ipasavyo  wakiwa  kwenye Shule hizo.

Akizungumza na Mtandao wa www.stephanomango.blogspot.com jana Ofisini kwake Kaimu Afisa Elimu wa Shule za Sekondari wa Wilaya ya Namtumbo Lydia Herbert alisema kuwa Halmashauri hiyo yenye jumla ya Wanafunzi wa Sekondari 7871 wakiwemo wavulana 4671 na wasichana 3193  ina uhaba mkubwa wa walimu wa Masomo ya Sayansi na Lugha.

Herbert alisema kuwa mpaka sasa Halmashauri hiyo ina walimu 208 wa Shule za Sekondari ambao hawawezi kukidhi haja ya wanafunzi waliopo kwenye Shule za Sekondari Wilayani humo na kwamba kutokana na hali hiyo kuna upungufu wa walimu 32 wa masomo ya sayansi na lugha.

Alieleza zaidi kuwa hali ya miundo mbinu katika shule za Sekondari zilizopo katika Wilaya hiyo ilikuwa inahitajika kuwa na vyumba vya madarasa 285 lakini vyumba vya madarasa vilivyopo kwasasa ni 164 na kufanya kuwepo tatizo kubwa la vyumba vya madarasa kwenye Shule hizo.

Alibainisha zaidi kuwa katika Shule hizo za Sekondari Wilayani humo zinahitajika maabara 115 lakini maabara zilizopo ni 3 tatu ambazo zipo katika Shule mbili za binafsi na Shule moja ya Serikali na walimu wa Shule hizo wanakabiliwa na tatizo kubwa la nyumba za kuishi ambapo nyumba za walimu zinazohitajika ni 384 na nyumba zilizopo ni 84 tu ,.

Alisema katika Shule hizo za Sekondari Wilayani humo kuna changamoto kubwa zinazojitokeza mara kwa mara ambaapo ni utoro wa wanafunzi wa kike na wakiume uliokithiri na mimba za utotoni ambapo wanafunzi 22 walibainika kuwa ni wajawazito katika kipindi cha January hadi October mwaka huu.

Ameitaja mikakati mbalimbali ya kukabiliana na changamoto hizo kuwa ni kuwaelimisha wananchi wa Wilaya ya Namtumbo juu ya umuhimu wa elimu kupitia mikutano ya ndani na ya hadhara ili waweze kuelewa kuwa wazazi wa wanafunzi hao wanapaswa kuchangia ujenzi wa madarasa,madawati na kujenga nyumba z akuishi walimu.

Mikakati mingine ni kuboresha miundo mbinu ya Shule za Sekondari Wilayani humo ili kuwa na Mazingira bora ya kujifunzia na kufundishia kwa kujenga nyumba za walimu,vyumba vya madarasa pamoja na maabara kwa mwaka wa fedha 2011/2012.

Kaimu Afisa Elimu huyo Herbert ameiomba Serikali kupitia Wizara za Elimu Utamaduni na Ufundi na Wizara ya Serikali za Mitaa na Tawala za Mikoa (TAMISEMI ) kuona umuhimu wa kuwaletea walimu wengi zaidi wa masomo ya sayansi ambao wataweza kuziba mapengo mengi ya walimu katika Shule za Sekondari Wilayani humo

WANANCHI WATAADHARISHWA UZAGAAJI WA NOTI BANDIA MKOANI RUVUMA

Na Gideon Mwakanosya, Songea

JESHI la polisi Mkoani Ruvuma limewataadharisha wananchi wakiwemo wakulima na wafanyabiashara kuwa makini wanapofanya shughuli zao za kila siku hasa wanapouza mazao au wanaponunua bidhaa za biashara zao kwani katika Mkoa huo noti bandia za shilingi Elfu 5000 na shilingi Elfu 10,000 zimezagaa ambapo kufuatia hali hiyo Polisi imefanikiwa kuwanasa watu wawili wakiwa na noti bandia za shilingi alfu 10 kila mmoja zenye thamani ya shilingi laki 5.

Tahadhali hiyo imetolewa jana na Kamanda wa Polisi wa Mkoa wa Ruvuma Michael Kamuhanda wakati alipokuwa akiongea na Waandishi wa habari ofisini kwake.

Kamuhanda amewataja wanoshikiliwa na polisi kuwa ni Joseph Kilagi ( 25) na Francis Nkunji (19) wote wakazi wa jijini Dar es salaam ambao walitiwa mbaroni tangu Novemba 13 mwaka huu majira ya saa mbili usiku kwenye kituo kikuu cha mabasi cha Mjini Songea wakiwa wanateremka kwenye basi wakitokea Dar es salaam.

Amesema kuwa askari ambao walikuwa doria kwenye eneo la Kituo cha mabasi waliwakamata watuhumiwa hao wakiwa na noti bandia 50 ambazo kila noti  moja ni shilingi elfu 10 zote zikiwa na thamani ya shilingi laki 5.

Amefafanua zaidi kuwa noti hizo bandia zilizokamatwa zina namba AC.0011601 kila moja na kwamba watuhumiwa walipohojiwa na askari hao waliokuwa doria walidai kuwa wametokea Dar es salaam na wamekuja Songea kufanya biashara ya kununua mahindi.

Kamanda Kamuhanda ameeleza kuwa kwasasa hivi polisi inaendelea kufanya upelelezi kuhusiana na tukio hilo na kwamba watuhumiwa hao watafikishwa Mahakami kujibu shtaka linalowakabili mara tu upelelezi utakapokamilika.

Amewataadhalisha wafanyabiashara wa Wilaya zote za Mkoa wa Ruvuma kuwa wanapofanyabiashara zao kuwa waangalifu pale wanapokutana na noti za shilingi Elfu 5000 na Elfu 10,000ambazo zinadaiwa ndiyo noti bandia zimezagaa kwenye magulio,minada na maeneo mengine ya biashara za jumla na rejareja na kwamba wananchi watakaowagundua watu wenye tabia mbaya ya kusambaza noti bandia watoe taarifa katika kituo chochote cha polisi kilicho karibu.

WASHIRIKI WA MAJADILIANO YA PAMOJA KUHUSU UTAFITI MDOGO WA VYOMBO VYA HABARI RUVUMA WAMALIZA WARSHA YA SIKU MBILI NA KUAZIMIA NJIA BORA YA KUKUSANYA NA KUSAMBAZA TAARIFA KWENYE VIKUNDI NA MITANDAO YA JAMII

 Washiriki wa warsha hiyo wakiwa kwenye picha ya pamoja mara baada ya kumaliza mafunzo husika

 Washiriki wakiendelea na mijadala mbalimbali kwenye ukumbi wa warsha

 Bi Jenni akiwasirisha mada iliyojadiliwa kwenye kikundi chake wakati wa warsha

Washiriki wakisikiliza mada iliyokuwa inawasilishwa na Mwezeshaji kutoka TGNP Badi Darusi

TGNP NA DHANA YA UMUHIMU WA KUANZISHA VITUO VYA TAARIFA KWENYE VIKUNDI NA MITANDAO YA KIJAMII

VITUO VYA TAARIFA NA MAALIFA KATIKA JAMII

Na Stephano Mango,Songea

Ni sehemu maalumu ya kukutana kwa lengo la kujifunza na kuhabarishana masuala mbalimbali yanayohusu jamii zetu kwa faida ya vizazi vilivyopo na vijavyo

KWANINI VITUO HIVYO

-Kuleta chachu ya harakati za ukombozi wa mwanamke wa kimapinduzi katika jamii

-Kusaidia ujenzi wa nguvu za pamoja kwa kutumia kukusanya na kusambaza taarifa

-Kuendesha mijadala ya wazi na kuweka kumbukumbu kuhusu mijadala hiyo

-Kufanya uchambuzi na ufuatiliaji wa masuala au kero zinazoikabili jamii husika na kuchukua hatua za pamoja

LENGO KUU

-Kuwawezesha wanaharakati wa ukombozi wa mwanamke wa kimapinduzi,vikundi,mitandao ya jamii kufikia fursa za kupashana,kubadilishana maarifa na taarifa

-Kuongeza hamasa katika masuala yanayohusu haki za binadamu kwa mlengo wa ukombozi wa mwanamke wa kimapinduzi

MALENGO MAHSUSI YA VITUO

-Kuwa na eneo la vituo vya wanawake,vikundi na kuhamasishana ili kuchukua hatua za pamoja kuleta mabadiliko

-Kukita vuguvugu la ukombozi wa mwanamke wa kimapinduzi katika ngazi ya jamii kwa kuwawezesha wanawake na vikundi vya wanaharakati na mitandao kuweka kumbukumbu na kupashana habari

-Kuboresha na kuimarisha mahusiano na kupashana habari kati ya wanaharakati na vikundi ili kupunguza pengo kati ya wanaofaidi taarifa muhimu na wale ambao hawapati taarifa hizo kwa wakati muafaka

NAKUSHIRIKISHA NDUGU MSOMAJI WA MTANDAO HUU KATIKA KURIFIKIRIA WAZO LA LEO NA KUJIPA MAJIBU STAHIKI

Jamaa alifikiria nini kuandika maneno hayo na kuyaweka nyuma ya gari lake ili watu wayasome?

TAARIFA YA UTEKELEZAJI WA MPANGO KAZI WA ASASI YA RUVUMA ORPHANS ASSOCIATIONS(ROA)

RUVUMA ORPHANS ASSOCIATIONS

(ROA)

Sokoine Road

, Mfaranyaki ward. S.L.P. 1196, Songea

Simu: 0754-533 032, 0713-290 473

E-mail: roaruvuma@yahoo.co.uk

TAARIFA YA UTENDAJI KAZI

HALMASHAURI YA MANISPAA YA SONGEA

JULAI HADI SEPTEMBA, 2011

Imeandaliwa na;

Menejinemti ya ROA.                                               Oktoba, 2011

TANZIA TANZIA TANZIA TANZIA TANZIA TANZIA TANZIA TANZIA TANZIA TANZIA TANZIA TANZIA TANZIA TANZIA TANZIA TANZIA TANZIA TANZIA

Mtandao huu unaungana na familia ya Gerson Msigwa kwenye majonzi makubwa ya kuondokewa na ndugu yao mpendwa Pascalina Lukas Msigwa mwenye umri wa miezi 6 aliyefariki dunia jana mchana kwenye Hospital ya mkoa ya Songea na mazishi kufanyika leo kwenye makaburi ya Songambele,Bombambili,Bwana alitoa na bwana ametwaa jina lake lihimidiwe,Mungu mwenyezi aiweke roho ya marehemu na marehemu wengine wote mahali pema peponi Amina

 Ndugu wa familia ya Marehemu Pascalina Lukas Msigwa wakiwasha michumaa na kuiweka juu ya kabuli lake ikiwa ni ishara ya mwanga wa milele na upendo wao kwake baada ya mazishi yake yaliyofanyika leo mchana katika makaburi ya Songambele Bombambili mjini Songea na kuhudhuriwa na wananchi,viongozi wa vyama mbalimbali na Serikali,Waandishi wa Habari na wafanyabiashara mbalimbali mjini Songea na mkoa jilani wa Njombe

 Bibi wa Marehemu Pascalina Lukas Msigwa(Mama Lucy) akiweka ua kwenye kaburi la marehemu ikiwa ni ishara ya upendo

Msemaji wa familia ya Marehemu Pascalina Lukas Msigwa,Gorden Sanga(Sanga One) akiwashukuru ndugu,jamaa na marafiki waliojaribu kunusuru uhai wa marehemu na wale wote waliojitokeza kumsindikiza kwenye makazi ya milele ndugu yao mpendwa

WARSHA YA TGNP YAWAKUTANISHA WADAU MBALIMBALI WA HARAKATI ZA MWANAMKE WA KIMAPINDUZI

Naibu Mstahiki Meya wa Halmashauri ya Manispaa ya Songea Mariam Dizumba akiteta jambo na Mwenyekiti wa Kamati za Huduma ya Jamii na Uchumi wa Manispaa hiyo Genfrida Haule,akina Mama hao waligombea kwenye kinyanganyiro cha nafasi ya UMEYA wa Halmashauri hiyo na kufanikiwa kupita kwenye vikao mbalimbali kabla ya kuchujwa kwenye kikao cha mwisho

WASHIRIKI WAKIENDELEA KUPATA MAFUNZO MBALIMBALI KATIKA WARSHA MKOANI RUVUMA

MTANDAO WA JINSIA TANZANIA(TGNP) KATIKA UTAFITI MDOGO WA VYOMBO VYA HABARI MWAKA 2011 RUVUMA

 Waandishi wa Habari wa Mtandao wa Jinsia Tanzania(TGNP) Kanda za nyanda za juu Kusini Stephano Mango na Juma Nyumayo wakitambulishana Kiraghabishi kwenye warsha ya majadiliano ya pamoja kuhusu utafiti mdogo wa vyombo vya habari mwaka 2011 iliyofanyika kwenye ukumbi wa Saccos ya Walimu wa Songea Vijijini leo

WANAWAKE WATAKIWA KUACHA UWOGA WA KURIPOTI TAARIFA ZA UKATILI WA KIJINSIA

Na Stephano Mango,Songea

WANAWAKE nchini wametakiwa kuacha uwoga wa kutoa taarifa za ukatili wa kijinsia kwenye vyombo vya habari ili kuweza kujenga mazingira ya kukomesha ukatili mbalimbali wa kijinsia uliokithili miongoni mwa jamii za Kitanzania

Wito huo umetolewa jana na Naibu Mstahiki Meya wa Halmashauri ya Manispaa ya Songea Mariam Dizumba alipokuwa akichangia mada ya wadau muhimu wa Mtandao wa Jinsia Tanzania(TGNP) kwenye warsha ya majadiliano ya pamoja kuhusu utafiti mdogo wa vyombo vya habari iliyofanyika kwenye ukumbi wa Saccos ya Walimu wa Songea Vijijini

Dizumba alisema kuwa vyombo vya habari ni wadau muhimu sana katika harakati za ukombozi wa mwanamke wa kimapinduzi hasa wakati huu ambao taifa letu linaelekea kwenye miaka 50 ya uhuru ili kuweza kuzibaini changamoto mbalimbali za wanawake zilizokuwa zinawakabili wanawake miaka hiyo na sasa tuweke mikakati mingine ya kuzikabili changamoto za sasa

Akizungumza kwenye warsha hiyo ya siku mbili Mwanaharakati wa Mtandao wa Jinsia Nyanda za Juu Kusini Juma Nyumayo alisema kuwa vyombo vya habari nchini vimetoa mchango mkubwa sana katika harakati za kuleta usawa ,uwiano wa kijinsia na haki sawa za kijamii ili kuboresha ustawi wao

Nyumayo alisema kuwa kwa muda mrefu sasa vyombo hivyo vimeweza kusambaza taarifa za ujengaji wa vuguvugu la ukombozi wa wanawake wa kimapinduzi hasa wanaoishi pembezoni ili kukuza uwepo na upatikanaji wa habari na maarifa kuhusu harakati za ujenzi wa vuguvugu hilo na kusaidia kujenga mitandao na kuendeleza vuguvugu hilo

Kwa upande wake Mwezeshaji wa Mtandao wa Jinsia Tanzania(TGNP) Badi Darusi alisema kuwa lengo kuu la majadiliano hayo ya siku mbili ni kuelewa ni kwa kiasi gani vyombo vya habari vimeweza kuchangia katika kazi za Tgnp na kusambaza habari kupitia kampeni ya na harakati za ukombozi wa mwanamke wa Kimapinduzi mkoani Ruvuma

Darusi alisema kuwa washiriki watapata fursa ya kuwatambua wadau muhimu wa Tgnp katika ngazi za jamii,fursa na changamoto zao,kuainisha na kuchambua hatua zilizochukuliwa na katika harakati za Tgnp,kupima kiwango cha uelewa wa kuhusu Tgnp na Waandishi wa habari katika dhana ya majadiliano,dodoso,visa mkasa,maswali chokozi,kazi za vikundi na uchambuzi wa pamoja

 Mwezeshaji toka TGNP Badi Darusi akieleza maudhui ya warsha hiyo kwa washiriki

Washiriki wa warsha hiyo wakisikiliza mada mbalimbali zilizowasilishwa na Mwezeshaji Badi Darusi