SONNGO WAMALIZA MDAHALO JIMBO LA SONGEA NA JIMBO LA PERAMIHO KWA MAFANIKIO MAKUBWA

 Mbunge wa Jimbo la Peramiho Jenista Mhagama akiwasalimia wananchi walioshiriki mdahalo wa wazi wa Katiba ya mwaka 1977,kushoto ni Katibu wa mtandao wa Sonngo Mathew Ngarimanayo,kutoka kushoto ni Mwenyekiti wa mtandao wa Sonngo Siwaji Gama,Makani Mwenyekiti wa Halmashauri ya Wilaya ya Songea Andrwe Mbawala

 Viongozi wa ngazi mbalimbali katika Serikali,Siasa ,Asasi za Kiraia wakiwa kwenye picha ya pamoja na washiriki wa mdahalo ulioendeshwa na Mtandao wa Asasi za Kiraia Wilaya ya Songea kwa ufadhiri wa The Foundation For Civil Society uliofanyika kwenye ukumbi wa Trade Jimbo la Peramiho

 Mwanaharakati Juma Nyumayo akisalimiana na Mwanaharakati mwenzake Fatuma Misango nje ya ukumbi wa Trade baada ya kumalizika kwa mdahalo wa Katiba ya Tanzania ya mwaka 1977

 Mbunge wa Jimbo la Peramiho Jenista Mhagama wa pili kutoka kulia akiwa na wapiga kura wake baada ya kumalizika kwa mdahalo katika jimbo hilo

Mwandishi wa Habari wa TBC Catherine Nyoni akiwa na Kaimu Afisa Mtendaji wa Kata ya Maposeni ambaye pia ni Afisa Kilimo wa Kata hiyo Esta Mango mara baada ya kumaliza mdahalo

WABUNGE WATAKIWA KUWASAMBAZIA WAPIGA KURA WAO KATIBA YA MWAKA 1977

Na Stephano Mango,Songea

WABUNGE wa Jamhuri wa Muungano wa Tanzania wametakiwa kuona umuhimu wa kuwafikishia wapigakura wao Katiba ya Tanzania ya mwaka 1977 ili waweze kuisoma na kuijadili kwa umakini kabla ya kutoa maoni yao wakati Tume itakayoundwa na Rais Jakaya Kikwete kwa lengo la kutoa maoni ya kuandika Katiba mpya itakapokuwa inapita katika maeneo yao

Wito huo umetolewa jana na wananchi kwenye mdahalo wa wazi wa mapitio na uchambuzi wa Katiba ya Jamhuri ya Muungano wa Tanzania ya mwaka 1977 Jimbo la Peramiho uliofanyika kwenye ukumbi wa Chuo cha Ufundi(Trade) wa Kanisa Katoliki la Peramiho ulioitishwa na Mtandao wa Asasi za Kiraia Songea(Sonngo) kwa ufadhiri wa The Foundation For  Civil Society

Akizungumza kwenye mdahalo huo Deo Mbunda alisema kuwa wananchi wengi hawaijui Katiba ya mwaka 1977 kutokana na usiri mkubwa uliowekwa na Serikali kwa kushindwa kuzisambaza kwenye maeneo mengi kutokana na sababu zilizojificha na kuwafanya wananchi washindwe kuzipata kwa urahisi

Mbunda alisema kuwa kwa kuwa Serikali toka mwaka 1977 walipoitengeneza Katiba hiyo imeshindwa kuisambaza hivyo jukumu hilo lichukuliwe na Wabunge wetu ambao tuliwachagua kwa kura nyingi waweze kutuwakilisha hivyo nao waone umuhimu wa kutuletea Katiba hiyo ili nasi tuzipate na kuweza kuzisoma kisha tuweze kutoa maoni ya kuandika Katiba mpya

“Mwaka 2010 ulifanyika uchaguzi mkuu wa Wabunge,Madiwani na Urais ambapo wagombea wote waliweza kutumia nguvu kubwa kubandika mabango yao ya kushawishi wananchi waweze kuwachagua ni vema basi nguvu ileile waliyoitumia viongozi hao kwa wale walioshinda waitumie kuwasambazia wananchi Katiba ya mwaka 1977 ili tuweze kuzisoma kwa umakini na kutoa mwanga katika Katiba ijayo”alisema Mbunda

Akizungumzia jambo hilo Mbunge wa Jimbo la Peramiho Jenista Mhagama alisema kuwa Katiba ya mwaka 1977 zimesambaa katika maduka mengi ila kutokana na wananchi wengi hawakuwa na mahitaji ya Katiba hiyo na kwa kuwa sasa watanzania wamekuwa wakijadili uwepo wa Katiba mpya ndio maana wanajitokeza kwanza kuisaka katiba ya mwaka 1977

Mhagama alisema kuwa kila mmoja wetu ana haki ya kutoa maoni yake na kuijadili katiba iliyopo hivyo kwa Jimbo la Peramiho nitazileta Katiba hizo kwenye Ofisi ya kila Kijiji ili wananchi waweze kuisoma na kujadiliana wenyewe kwa wenyewe na kutoa maoni yao kwa amani na utulivu wakati utakapofika badala ya kuwa jambo la watu wachache

Awali akifungua mdahalo huo Mwenyekiti wa Sonngo Siwajibu Gama alisema kuwa mdahalo huo ni muhimu sana kwani unalengo la kuwajengea uwezo wananchi wa kuielewa katiba ya mwaka 1977 na kuwapa ujasiri wakati wa kutoa maoni wakati tume itakapo pita kuchukua maoni ya kuandika Katiba mpya

Gama alisema kuwa Sonngo imetoa fursa ya kutoa elimu ya uraia kwa wananchi ili waweze kuwa wazi katika mjadala wa Katiba mpya kwa kuweza kutoa maoni yao kwa mambo yatakayoleta mabadiliko chanya katika uandikaji wa Katiba mpya kwa faida ya vizazi vilivyo na vijavyo na kwamba kila mtu akielewa vizuri Katiba ya mwaka 1977 ataweza kutoa maoni yake kwa usahihi zaidi

MWISHO

JIMBO LA PERAMIHO NAO WAPELEKEWA MDAHALO WA ELIMU YA URAIA KUHUSU KATIKA YA TANZANIA YA MWAKA 1977

 Katibu wa Sonngo Mathew Ngarimanayo akiwakaribisha washiriki wa mdahalo katika ukumbi wa Trade Kanisa Katoliki la Peramiho

 Viongozi wa Kamati ya Utendaji ya Sonngo kutoka kushoto ni Komba,Francis Mhimila,Amon Mtega mwandishi wa gazeti la Mtanzania, Sophia Limbuya,Magreth Ponera wakiendelea kusikiliza mdahalo huo

 Viongozi wa Chama cha Mapinduzi na Viongozi wa Serikali wakiendelea kusikiliza hoja mbalimbali zilizokuwa zinatolewa na waendesha mdahalo

 Kutoka kushoto ni Mbunge wa Jimbo la Peramiho Jenista Mhagama,Mwenyekiti wa Sonngo Siwajibu Gama,Makamu Mwenyekiti wa Halmashauri ya Wilaya ya Songea Andrwe Mbawala,Mkurugenzi wa Halmashauri ya Wilaya ya Songea Beatrice Msomisi wakifuatilia kwa umakini mdahalo huo

 Washiriki wa Jimbo la Peramiho wakifuatilia mdahalo huo

 Mwandishi wa TBC Catherine Nyoni,Mwandishi wa Jeshi la Polisi, Mwandishi wa Chanel Ten Emmanuel Msigwa wakiendelea kunasa matukio yanayojili kwenye mdahalo huo

Mwandishi wa Habari wa Radio Maria Tanzania Jofrey Nilai akirusha mdahalo huo LIVE uliofanyika kwenye ukumbi wa Trade Peramiho